Ministri i Mbrojtjes, Niko Peleshi u bën apel qytetarëve të kenë kujdes nga zjarret. Rritja e temperaturave, ka nxitur aturoritetet të marrin masa të shtuara për parandalimin e zjarreve dhe të apelojnë për bashkëpunimin e qytetarëve
Përmes një njoftimi në rrjetet sociale, Ministri i Mbrojtjes, Niko Peleshi, ka kërkuar bashkëpunimin e qytetarëve për të njoftuar menjëherë autoritetit për raset të rënies së zjarrit.
“Situata emergjente e zjarreve është një sfidë e madhe për të gjithë ne dhe mënyra më e mirë për t’u përballur me të është të jemi të përgatitur për të shmangur rreziqet për të mbrojtur veten, të tjerët dhe natyrën e vendit tonë.
“Kujdesi ndaj zjarreve duhet të jetë prioritet për të gjithë ne. Bashkë, për sigurinë dhe mirëqenien e të gjithëve. Telefononi menjëherë 128 Shërbimin e Zjarrfikëses, në çdo kohë e për çdo rast emergjence”, përfundon apeli i Peleshit në rrjetet sociale.
