Kryeministri Edi Rama mëngjesin e sotëm e ka nisur me publikimin e pamjeve nga rruga e re Levan-Vlorë.
Në llogarinë e tij në “facebook” kreu i qeverisë, krah videos së postuar ka shkruar se rruga e re Levan-Vlorë është rikthyer për banorët e zonës totalisht e rikonstruktuar.
Ndër të tjera Rama thekson se rruga iu ofrohet qytetarëve me standarde.
“MIRËMËNGJES
dhe me aksin e përfunduar Levan-Vlorë, i rikthyer në funksion të udhëtarëve me standarde, sinjalistikë dhe të gjitha parametrat e sigurisë rrugore, ju uroj një ditë të mbarë”, shkruan Rama.
