Ditën e djeshme, pas vendimit të dhenë nga Gjykata e Tiranës që dënoi me tre vite burg kantautorin Bojken Lako, pse kishte bërë disa ndërtime në studion e tij muzikore, aktori i njohur Florian Binaj, ka shpërthyer nëpërmjet një postimi në faqet e tij në rrjetet sociale.
“E njëjta qeveri që jep legalizime për ndërtime disa katëshe pa leje, dënon 3 vite burg se hapi 4 dritare pa leje. Turp! Edhe drita e dielli është e paligjshme për këta shpirtzinj”, shkruan Binaj. Më poshtë reagimi i plotë Florian Binajt, i cili ditë më parë deklaroi publikisht se hiqte dore nga qenia pjesë e trupës së “Portokallisë”, për t’ju përkushtuar një misioni human.