Detaje të reja po dalin në dritë nga ekzekutimi i Edmond Papës pak kohë më parë në zonën e Selitës në Tiranë.
Dy autorët, Andrew Bode, i njohur edhe me emrin Edvin dhe Albano Velo, për vrasjen e biznesmenit përdorën një makinë tip Audi.
Nga hetimet, rezulton se mjeti nuk ka qenë i vjedhur, por targat rezultojnë të mbivendosura.
Targat ishin te huaja. Ato i përkisnin një makine, e cila është futur në Shqipëri nga një shtetas, i cili ka bërë shitjen e mjetit dhe më pas i janë vendosur targa shqiptare.
Policia po heton sesi targat e huaja përfunduan në duart e dy autorëve të vrasjes që më pas i montuan tek mjeti tip Audi.
