Kryeminstri Edi Rama ka publikuar statistikat e vaksinimit të fëmijëve në rajonin e Europës dhe Azisë Qendrore.
Me anë të një statusi në Facebook, Rama thotë se Shqipëria ka përparuar për sa i përket vaksinimit.
“Ka plot klasifikime ku duhet t’i ngjisim shkallët më shpejt se jemi ende mbrapa krahasuar me të tjerë, paçka se krahasimisht me nga gropa nga e kemi nisur ngjitjen kemi ecur më shpejt se plot të tjerë, po ka edhe klasifikime si ky i Europës&Azisë Qendrore, ku jemi ngjitur lart dhe kur mendon se sa mbrapa ishim me vaksinimin e fëmijëve, kjo është një arsye bindëse më shumë për të kërkuar ende më shumë nga vetja edhe në drejtimet ku duhet të ngjitemi më shpejt”, shkruan kreu i qeverisë.
