Presidenti rus Vladimir Putin ka humbur një tjetër gjeneral nga luftimet me Kievin.
Gjeneral-majori Dmitry Ulyanov, 44 vjeç, ishte rikthyer në shërbimin aktiv si komandant në pushtimin rus të Ukrainës, pasi kishte dalë në pension disa kohë më parë.
Raportohet se ai vdiq në një përleshje zjarri kur u sulmua nga një grup sabotues ukrainas këtë javë.
Nuk është hera e parë që Putin ka humbur një ushtarak të lartë në radhët e tij, pasi vrasja e tij shënon humbjen e dhjetë të kësaj natyre.
Ulyanov më parë kishte shërbyer si Shef i Shtabit të Divizionit të 7-të Ajror, komandant i regjimentit të artilerisë 1141 dhe komandant i Divizionit të 98-të Ajror rus.
