Edmir Vlashi dhe Hektor Ndoka janë dy personat e arrestuar në Spanjë, të shpallur në kërkim ndërkombëtar nga autoritetet shqiptare në lidhje me atentatin e dështuar të 8 dhjetorit 2021.
Mediat spanjolle shkruajnë se janë akoma në pritje të komunikimit me ato spanjolle në rrugë zyrtare për prangosjen e dy të rinjve shqiptarë.
Sipas informacioneve, ata dyshohet se kishin planifikuar të vrisnin disa anëtarë të një organizate kriminale duke përdorur eksplozivë me telekomandë.
Njëri prej të arrestuarve, i arratisur nga Shqipëria, kishte jetuar më parë në Turqi, para pak kohësh mbërriti në Barcelonë ku edhe u arrestua.
Çfarë ndodhi në vitin 2021?
Kujtojmë se Preng Paluca i shpëtoi një atentati për herë të tretë në vitin 2021. Atentati i organizuar ndaj tij, me mina me telekomandë, të ideuar në Lezhë nuk u finalizua dot, pasi u vunë në pranga Nikoll dhe Marie Marku.
Grupi i vrasësve me pagesë, Edmir Vlashi dhe Hektor Ndoka, bashkë me çiftin Nikoll dhe Marie Marku, ishin paguar për të hequr qafë njëherë e mirë, Preng Palucën.
Hektor Ndoka dhe Edmir Vlashi, tashmë të arrestuar kanë pasur që më herët konflikte me vëllezërit Paluca në Kamëz. Shkak për konfliktin e nisur mes palëve, dyshohet se është bërë prishja e pazareve të drogës në Belgjikë.
